পাকিস্তান মুছলিম লীগ-নৱাজৰ মুৰব্বী শ্বেহবাজ শ্বৰীফে নেচনেল এচেম্বলীত ২০১ টা ভোট লাভ কৰি পাকিস্তানৰ ২৪ তম প্ৰধানমন্ত্ৰী ৰূপে নিৰ্বাচিত হয়
প্ৰধানমন্ত্ৰীৰ পদৰ বাবে ৭২ বছৰীয়া শ্বেহবাজ শ্বৰীফক মনোনীত কৰিছিল পাকিস্তান মুছলিম লীগ-নৱাজে। কাৰাগাৰত বন্দী প্ৰাক্তন প্ৰধানমন্ত্ৰী ইমৰাণ খানৰ পিটিআই প্ৰাৰ্থী ওমৰ আয়ুব খানক পৰাস্ত কৰে শ্বেহবাজ শ্বৰীফে। বৃহস্পতিবাৰে পাকিস্তানৰ ৰাষ্ট্ৰীয় বিধানসভাৰ সচিবালয়ে দেশৰ নতুন প্ৰধানমন্ত্ৰী নিৰ্বাচনৰ সময়সূচী ঘোষণা কৰিছিল। পাকিস্তান মুছলিম লীগ-নৱাজৰ নেতা শ্বেহবাজ শ্বৰীফক দেওবাৰে অনুষ্ঠিত হোৱা নিৰ্বাচনত পাকিস্তানৰ প্ৰধানমন্ত্ৰী পদৰ বাবে শক্তিশালী ৰূপত নিৰ্বাচিত হৈছে।
পাকিস্তান মুছলিম লীগ-নৱাজে প্ৰধানমন্ত্ৰীৰ পদৰ বাবে ৭২ বছৰীয়া শ্বেহবাজ শ্বৰীফক মনোনীত কৰিছিল। আনহাতে ওমৰ আয়ুব খান কাৰাগাৰত বন্দী প্ৰাক্তন প্ৰধানমন্ত্ৰী ইমৰাণ খানৰ পাকিস্তান তেহৰিক-ই-ইনছাফ (পিটিআই) দলৰ প্ৰাৰ্থী আছিল।প্ৰধানমন্ত্ৰী হিচাপে কাৰ্যনিৰ্বাহ কৰাৰ পূৰ্বে শ্বৰীফ ৰাজনীতিবিদতকৈ প্ৰশাসক হিচাপে অধিক পৰিচিত আছিল, তেওঁ দেশখননৰ সৰ্ববৃহৎ প্ৰদেশ পঞ্জাৱত তিনিবাৰকৈ মুখ্যমন্ত্ৰী হিচাপে কাৰ্যনিৰ্বাহ কৰিছিল।